Апостол – 26. Неділя по Сошестві Святого Духа – неділя 09.17 год.

Чітаня з Письма святого апостола Павла Ефезанам 

(Братя), жыйте як діти світла. Бо плод Духа є в каждій доброті, справедливости і правді; глядайте тото, што ся любить Богу. Не будьте участны на неплодных ділах тмы, но радше їх карайте. Бо о тім, што они тайно роблять, ганьба і бісідовати. Вшытко, што ся дасть одсудити, одкрывать ся світлом. А вшытко, што ся одкрывать, є світло. Прото є речене: Встань, котрый спиш, воскресни з мертвых і увидиш Хріста в світлі. Мерькуйте тоды, як мате жыти! Не як нерозумны, но як мудры! Господарьте з часом, бо часы суть планы. Прото не будьте нерозумны, но познавайте, што є воля Божа. Не опивайте ся вином, в котрім є блуд, но наповняйте ся Духом. Розважайте о псалмах, духовных піснях і співах; співайте і хвальте Господа цілым сердцьом. 

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець. Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.17 год., повторіня в неділю о 12.17 год. і в понедільок о 02.17 год.

Фото горі: Ефезскій собор — ІІІ Вселенскій собор християньской церкви в 431 р.