Апостол – 23. неділя по Сошестві Святого Духа – неділя, 09.30 год.

Чітаня з Письма святого апостола Павла Ефезанам – зачало 220. (2.; 4-11)

(Братя), Бог богатый в мілосердю, про велику свою любов, которов нас полюбив, ожывив нас вєдно з Хрістом, бо мы были мертвы про свої гріхы. (Його) благодатьов вы спасены. Вєдно нас воскресив і вєдно посадив на небесах в Ісусови Хрістови, жебы в часах, котры прийдуть, одкрыв великы богатства свойой благодати і доброты ку нам, в Ісусови Хрістови. Бо вы спасены благодатьов, через віру. А не самы од себе; є то дар Божый. Ани не з діл, жебы ся нихто не хвалив. Мы його сотворіньом, сотворены в Ісусови Хрістови на добры діла, котры Бог наперед приготовив, жебы мы їх выповнили.