Апостол – 23. Неділя по Сошестві Святого Духа – неділя 09.15 год.

Чітаня з Письма святого апостола Павла Ефезанам.

(Братя), Бог богатый в мілосердю, про велику свою любов, которов нас полюбив, ожывив нас вєдно з Хрістом, бо мы были мертвы про свої гріхы. (Його) благодатьов вы спасены. Вєдно нас воскресив і вєдно посадив на небесах в Ісусови Хрістови, жебы в часах, котры прийдуть, одкрыв великы богатства свойой благодати і доброты ку нам, в Ісусови Хрістови. Бо вы спасены благодатьов, через віру. А не самы од себе; є то дар Божый. Ани не з діл, жебы ся нихто не хвалив. Мы його сотворіньом, сотворены в Ісусови Хрістови на добры діла, котры Бог наперед приготовив, жебы мы їх выповнили.

Апостол на неділі і свята в русиньскым языку выдало Общество св. Йоана Крестителя. Коректы до тлумачыня вводил екзарх пражского екзархату для грекокатоликів в Чешскій Республиці преосвященый владыка Іван Лавинець. Апостол на неділі і свята мат імпріматур грекокатолицкого пряшівского єпархы, преосвященого владыкы Йоана Гіркы.

Апостол в русиньскым языку высыламе в неділю о 09.15 год., повторіня в неділю о 12.15 год. і в понедільок о 02.15 год.