Апокалипсис в Креници

Од 17. вересня/септембра в Музею Никыфора в Креници, якій єст одділіньом Округового Музею в Новым Санчы, мож видіти выставу ікон пн. Апокалипсис, будучой плодом VIII Медженародовых Варштатів Іконописців Новиця 2016. Ведучом темом тогорічных варштатів был Апокалипсис, зато сподівати мож ся выображынь Страшного Суду, Воінів Апокалипсиса, ци Михала Архангела, борючого ся з драконом.

Тогорічны варштаты проходили в днях 4.-18. вересня/септембра в Новици, традицийні – в Осередку Грекокатолицкой Молодежы Сарепта. В пленері участ взяло 30 аристів з Польщы, Украіны, Білоруси, Литвы і Сербіі. По Креници, выстава перенесе ся на жолтен/октобер до Львова, пак на листопад/новембер до Луцка і, наконец, на груден/децембер завандрує до Ряшова. Орґанізаторами Медженародовых Варштатів Іконописців сут: Стоваришыня Приятелів Новиці, Братство Грекокатолицкой Молодежы Сарепта і Катедра Сакральной Штукы AKM во Львові.