Андрий Копча: Лемківска Ватра на Чужыні в Михалові – проґрам «Там в горах Карпатах» – четвер, год. 20.10 – част 2

Днеска, 28. марця 2019 р., в четвер, о год. 20.10 запрашам на другу стрічу з Андрийом Копчом з Вроцлавя, родом з Хобєні, што ся находит на заході Польщы. 

Хоц то моі реляциі нагрываны сут на Заході, то заєдно споминаме на Лемковину, прадідівску землю вшыткых нашых люди, де бы они не одышли, і де бы не были розметаны по шырокым світі.

Днес запрашам на проґрам, якому дал єм наголовок «Лемківска Ватра на Чужыні в Михалові».

Запрашам выслухати проґрам.

На жаль не нашол єм знимок з першой Лемківской Ватры в Михалові. Лем же хто хоче, може обізрити знимкы з інчых років на сайті Стоваришыня Лемків за тым мотузком.

Заява бесіды:

Коли мешкате на заході Польщы і хочете штоси нам повісти, поспоминати о вашым жытю на Лемковині, ци на Чужыні, то ждеме. Як бы сте хотіли нас повчыти, або оповісти про своіх предків – дідів і прадідів, так дайте знати. Як мате близко себе, в родині, когоси, з кым мали бы сме награти бесіду, пиште на адрес – mirek@lem.fm.