Акції молодых Русинів до кінця рока і їх актівности

Молодежна русиньска орґанізація молоды.Русины до кінця рока приготовлює іщі много подій. Кідь бы мав хтось інтерес взяти участь на дакотрій із подій, яку приготовлює тота орґанізація, приносиме вам гармоноґрам акцій, о котрых будеме пізніше інформовати і детайлніше.

Гармоноґрам акцій орґанізації молоды.Русины

30-го септембра – конкурз до ФК Рутгенія в Братіславі

3-го октобра – опікачка на Партізаньскій луці в Братіславі

14-го октобра – друге коло конкурзу до ФК Рутгенія в Братіславі

16-го – 18-го октобра – табор на Малім Липнику

17-го октобра – сейм на Малім Липнику

24-го октобра – Rusyn Cup в Братіславі

24-го октобра – Руснаковиця в Братіславі

30-го октовра – Русиньска забава в Кошыцях

6-го – 8-го новембра – конференція mLadime в Братіславі

28-го новембра – річніця ФК Рутгенія – проґрам Русиньске сердце в Братіславі

децембер – Вечур русиньскых голосів в Кошыцях

децембер – Русиньска забава в Пряшові

В центрі молодых Русинів в Братіславі орґанізація понукать і далшы актівности, до котрых ся можете залучіти. В братіславскім центрі можете ходити на курзы русиньского языка з лекторков, выхосновати книжніцю зо штудовньов, ходити до фолклорного кружку нелем з ФК Рутгенія, орґанізація має і медіялный кружок в радію русин ФМ, орґанізачный кружок з молодыма.Русинами, шпортовый кружок з тренером TRX або далшыма цвіками і про любителів кінематоґрафії є в центрі і філмовый клуб. Центер молодых Русиинів є на ул. Hálova 16 в Братіславі (будова промысловкы). Вшыткы суть сердечно витаны.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА