Акция о узнаня Русинів яко національной меншыны

УЖГОРОД / В Закарпатскій области Украіни в жолтни зінтенсифікувано ініциятиву домаганя ся того жебы Украіна урядово узнала Русинів як окрему национальну меншыну. Акцию провадит депутуваний до Верховной Рады Украіни Іван Бушко з Підкарпатя, котрий до половини жолтня одбыл стрічы з представителями некотрых русиньскых орґанизаций в Закарпатскій области, де радили о дальшых потрібных поступах жебы інициятива была пріоритетова для державных орґанів.

Як оголошено про тоту акцию, Русины як нацьональна меншына сут узнаны во вшыткых державах в котрых жиют, лем не в тій де іх єст найвеце. На Украіні дале ся іх рахує за “етноґрафічну ґрупу украіньского народу”.

У реклямовых матерялах вызначене є і тото, што Русинів на Украіні “вычеряла” (позміняла) ідеольоґія сотворена през Сталіна і днес голошена през націоналістичны кругы на Украіні. Зас вшыткы європейскы державы, в котрых жыют Лемкы/Русины/Руснакы по розрушыню комунізму узнали Русинів не як Украінців, лем як нацьональніст зо вшыткыма своіма окремностямы, і то творит дысонанс коли Украіна домагат ся вступити на стежку европейской інтеґрациі./рутрнпрес/