На суботу просит Бортне, просит Братислава

Текучий тыжден єст посліднім надходячым Різдвяным Постом, называным шырше Русинами як Филипівка, або просто Филипів піст. Свій початок має все ден по празднику св. апостола Филипа і тырват 40 днів – споминаючы Мойсея, котрий, перед отриманьом Божых заповіди на синайскій горі, постил 40 дни. Филипівка кінчыт ся 6. січня (24. грудня), ден до великого праздника Рождества Ісуса Христа, коли выпадат Велия. Филипів піст, котрого записаны свідоцтва сігают IV столітя, тырвал спочатку 7 і більше днів (залежні од реґіону). Од локального собору в 1166 р., за часів константинопольского патріархы Лукы, Филипівка, як і Великій піст, тырват сорок днів.

Том коротком історийом про єден з найважнійшых постів в християньскій Церкви, перейдеме до того, што ся рыхтує на найблизшу суботу, 26. листопада/новембра т.р., на Лемковині і Словациі, такой поза границями Пряшівской Руси. Але нич заоначыме стислы інформациі про дві молодіжны забавы, орґанізуваны молодыма Русинами так на Лемковині, як і Словациі, пояснийме, же для вірных грекокатолицкой Церкви на Пряшівскій Руси, котры ідут за новым стильом, тырват уж піст.

В найблизшу суботу мож піти на дальшу подію з сериі Руснаковиця, котра традицийно пройде в Братиславі, в клюбі Елям, в Млиньскій долині. A на подію просят предовшыткым Молоды.Русины – найактивнійша молодіжна русиньска орґанізация на бодай цілій Карпатскій Руси, ай радийо Русин.фм і Фольклорний аснамбль «Рутенія», корий гейбы є стисло повязаний з кругом Молодыx.Русинів.

В суботу мож зайти і до Бортного, де просит молодіж з Лемковины, котра хоче ся послідній раз перед Филипівком добрі выбавити. Забава зачне ся од 20.00 год. – не бракне там ритмів добрі знаных з нашого радийового Чырч Ґрамофону. Вступне – 10 зл.