«Тыжден дозаду» – Іджме дуже рабарбару – середа, 20.00 год.

В середу о 20.00 год., за лемківскым часом, просиме слухати проґрам «Тыжден дозаду». Передаме поражаючы вісти, позначыме стежкы і здемаскуєме політичне лемківство. Днес з нашого архіву новинарскій провокацийный допис пн.

Знана в нашых загородах рослина – рабарбар єст пожыточна і здорова, але, на жаль, іще мало роспространена, особенно на селі, помимо того, же розвиват ся она добре так с насіня як і бульв і ніт с ньом великого клопоту.

Рабарбар єст также совсем гардом окрасом нашых загород. Єго шырокы, розложысты листкы, на долгых, сильных стебелинах творят великы, красно угрупованы купины. До кухні ужыват ся лем самы стебельца. Корені той пожыточной рослины перерабят ся на лік і сут добрым перечыщаючым средством. Страва с рабарбару єст смачна і здорова. Рабарбар реґулює жолудок і дає организмови потребны минеральны солі і вітамины, рослинне білко і углеводаны. Тож єсли до рабарбару додаме омасту, яйца і цукор, то маме стравы дешевы, здоровы і о полной кормовой вартости.

Старанно обраны с волокна і покраяны стебельца треба перед ужытєм вложыти до пецка штобы змякли, або намочити в холодной воді. Єст тото потребне, штобы рабарбар стратил немилый запах землі і был смачнійшый,

Стравы с рабарбару могут быти всілякы (компоты, юшкы, мармеляды. ґаляреткы, кремы, кысєль і т. д.).

С рабарбаром можна приряджати также всякы стравы мучны нпр. налесникы, перогы. занеканкы с рыжом, солодкы палятка. тісточка, шарльоткы і т. д. В часі спекы добре смакує лемонияда, приготовлена на рабарбарі.

Лемко, ч.19 за 1937 р.