На выборы! – Напілперек (сезон 5) нажыво – понедільок, 20.00 год.

Великє чысло слухачів долго нас просило, просило. Мы фурт одказували і одказували, коли сме виділи присыланы жаданя привернути штотыжньовый проґрам циклично повторювальный, абы ішол каждый тыжден.

Выоначали сме бесіду на другы пути, гопкали словом горізнач, нє сумєлі, нє хатєлі, нє слушалі, хоц вшыткы просили, благали, аж і наказували, необачно фынкаючы потихы. Тямившы, прібували сме не тямити, же нароком і голодны холоду не чули, остаючы конечно напоєныма, кєд іх накормити треба было. Жебы лем радийо ЛЕМ (фм) было і жыло як люде – в достатку. Коментуйте-ле зато, оцінюйте, поплітуйте. Най клевета стане правдом, бо правда, як знаме, сама ся оборонит. Того уж не зміниме.

Судный ден мал надыйти. І надышол. Хто выбрал, тот знат – мож выбрати добрі, або злі. Мож і нияк не выберати, або смотріти на другых, як выберают. Мож і дати свій голос другому выбераючому, жебы за нас добрі выбрал, кєд зо собом кавалец кобасы принесе. Ібо демокрация не мат границ.

Просиме на 20.00 год. в понедільок, 1. квітня/апріля 2019 рока. Ніт, то не жарт. Нажыво – лем в радию ЛЕМ.фм!