Студиюм ім. Юрия Ґаґаріна – Напілперек (сезон 5) нажыво – понедільок, 20.00 год.

Великє чысло слухачів долго нас просило, просило. Одказували і присылали жаданя привернути каждотыжньовый проґрам циклично повторювальный.

Хоц сме долго одрікали, выкручали ся, аж і дакому не зохабляючы своє добесідувати, ниич нам тото не помогло. Поясняме, што лем під загорожыньом, неспокійны о дальше фунґуваня радия ЛЕМ.фм будеме згаданый проґрам робити. Ждеме на космічно-універсальны коментарі, неприхыльны опініі, клеветливы критикы.

Днешній проґрам надаме нажыво з самого центра вселенной, якій ся находит – то ясне – в редакциі ЛЕМ.фм (точно: направо од красных, наліво од мудрых). Стартуєме з Кошыц (смотрте долов), але сядеме там де все. Космічный проґрам Напілперек уж днес нажыво о 20.00 год. з СССР (чыт. Соєдиненых Студий Свойого Радия), як доказ нашых ґлобальных напрямів і аспіраций.