Бескідник #43 – пятниця, 11.00 год.

Бескідник. Так ся называт ґеоґрафічно-туристичный радийовый проґрам, котрый веденый єст Якубом Зиґмунтом в кажду пятницю од 11.00 до 12.00 год.

Любите схід Польщы? Обмерзли Вам Бєщады? Хочете експлорувати другы місця? То конечно слухайте найблизшого «Бескідніка», в пятницю, 15. лютого/фебруара 2019 р. Будеме бесідувати о трьох гірскых пасмах, якых іщы не одкрыла масова туристика. А конкретно буде о Перемышльскым Погірю, Солонных і Саноцко-Турчаньскых Горах, якы ся находят медже Саноком, Нижніма Устриками і Перемышльом. Дознаме ся, чом вартат іх видіти і як тото зробити на ровері, пішо, а як автом. А як інтересуют Вас святы місця, то буде тіж і о найстаршых церквах і марийных санктуариях.

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.