Вмерла Аня Дрейович

З недовірьом, неописаным жальом і смутком інформуєме о смерти нашой близкой приятелькы – Ані Дрейович. Вмерла несподівано днес, в Різдво Христове (7. січня/януара 2019 рока) в пополудньовых годинах. Аня была добром знаємом, колежанком і приятельком вельох членів радийового ансамблю.

Аня Дрейович вродила ся 5. липця/юлия 1973 рока на чужыні. Была долголітньом і заанґажуваном членкыньом і солистком вельох ансамблів і хорів, м.ін. Лемковины, молодіжного хору православной Перемышльско-Новосандецкой Єпархіі Ірмос, хору Зоря з Устя Руского, хору Cantores Carvatiani, ансамблю Серенча.

Редакция радия складат щыры кондоленциі цілій Родині, а особливо Сестрі і Няньови покійной.

Вічна Ій памят!