Бескідник #37 – пятниця, 11.00 год.
Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.
Вірите в маґію? Любите вульканы і теплы краі? Любите вандрувати місцями, де єст мало туристів, а більше локальных люди? То іхаме до Індонезиі і підеме на вулькан Бромо на схід сонця! В найблизшым «Бескіднику» в пятницю, 21. грудня/децембра 2018 р., поіхаме до Азиі і підеме слідами Йолі Лісєцкой, авторкы блоґа «На ліво од центра», яка была на єдным з найкрасшых вульканів на Земли – Бромо, на Східній Яві. Будут не лем практичны інформациі, але послухаме тіж леґенд о духах і маґіі, яку мож почути в тій части світа. Очывидно буде і кус фольковой музыкы просто з Індонезиі.
Чуєме ся, як все, о єденадцетій!
В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.
Повязаны дописы
Ґорлиці 106,6 MHz
