«Говорить Пряшів» – пятниця, 20.00 год.

Ци то іщы осін, ци уж зима? То звіданя, на якє част з нас си уж певно одповіла. Морозит, хоц найблизший вікенд має попустити. Хоц тіж не всяди. В нашых карпатскых горах такой уж посніжыло. Но, на плюсі буде на чужыні, там лагідний климат.

Осін та зима то добрий час на слуханя радия. Люде опорядат обыйстя, а на вечер сідают коло свойой найліпшой розрывкы – радия. Так нас будуют малы і великы річы. Велика річ то наша історична Лемківска Республика. До округлой річниці іщы лем пару дни. 5. грудня/децембра споминати будеме на фльориньскє віче. В тот ден може вартат задумати ся над тым, што сме стратили (што нам забрали), што днес маме і што годны сме мати, лем не все нам ся хоче.

Нашы братя з Пряшівщыны не забывают і на нашу республику, якой корифеі намагали ся долучыти до Чехословациі. Так слухайме іх передачы «Говорить Пряшів». Днес в Нашых Целебритах про Івана Гарайду, освітителя Підкарпатской Руси.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.