Бескідник #32 – пятниця, 11.00 год.

Бескідник. Так ся называт ґеоґрафічно-туристичний радийовий проґрам, котрий ведений єст Якубом Зиґмунтом в кажду пятницю од 11.00 до 12.00 год.

В найблизшым «Бескіднику» підеме на вандрівку по третім уж долгым польскым шляку. Тым разом буде то Головний Свєнтокшыскій Шляк, якій находит ся близко Кєльц. Дознаме ся о маршруті і атракциях, якы ждут нас по дорозі. Окрем того, почуєме кус практичных інформаций о тым, як ся прирыхтувати і де глядати нічлігів. Як любите атмосферу ліса, спокою і маленькых сел, то Головний Свєнтокшыскій Шляк єст просто для Вас!

Чуєме ся, як все, о єденадцетій!

В Бескіднику іздиме в далекы і близшы подорожы глядати природничо інтересуючых місц на світі і в Карпатах. А вшытко тото буде перемішане, як все, музыком зо світа.