Явожно – Лаґєр двох тоталітаризмів

30. жолтня в Музею Міста Явожно одбуде ся одкрытя новой постійной выставы пн. “Лаґєр двох тоталітаризмів. Явожно 1943-1956”. Выстава задумана єст на вказаня єдного неславного місця, якє два найбільшы тоталітаризмы ХХ столітя схоснували в тот сам спосіб – до мучыня невинных люди. Найперше, в час ІІ Світовой войны, была то част гітлерівского Аушвіц, котре по “освободжыню” комуністами служыло новым властям до триманя політычных, а пак і інчых вязнів.

В траґічній істориі лемківского народу ХХ столітя, лаґер в Явожні найбарже вбил ся в памят переслідуваньом выселяных в рамках Акциі “Вісла”. Мал ім припомнути, хто тепер рядит, а хто ворог, котрий винен сідити тихо на наступных понад 40 років.

Більше інформаций за мотузком.