Лемковина Ультра Трейль – выграны

В минулий вікенд на Лемковині проходили змаганя в літаню – Лемковина Ультра Трейль 2014. Стартуючы могли провірити своі силы ся на трьох трасах, найдолшу – яка рахувала 150 км выграл Оскар Зімни з Варшавы, другє місце занял Марцін Рембяш, третє спільні Томаш Комісаж і Роберт Кораб. В женьскій катеґориі выграла Сабріна Верджі з Вельикой Британіі, а зараз за ньом была Мажка Янерка Морон і Йоанна Ґарлевіч.

В тракті змагань панували барз тяжкы варункы, міцно дуло, а сама траса была міцно заболочена, в звязку з тым найдолшу трасу, з Крениці до Команчы, здоляла скінчыти лем половина зголошеных, решта рішыла зыйти з трасы. В цілых змаганях участ взяло парусот участників з парунадцетьох держав. Стартувати мож было іщы на двох коротшых дистансах – о долгости 70 і 29 км (з Гыровы до Команчы і з Пулав до Команчы).

Орґанізаторы думают уж про орґанізацию змагань на будучий рік.

Oбшырну фотореляцию найдете на фанпейджы орґанізатора.