28. научный семінарь карпаторусиністікы

Інштітут русиньского языка і културы Пряшівской універзіты у Пряшові Вас позывать на 28. научный семінарь карпаторусиністікы, якый буде дня 5. новембра (середа) 2014 р. о 13.00 год. в засідалні Consilium maius (2. шток, ч. 328) Ректорату Пряшівской універзіты, ул. 17. новембра ч. 15 в Пряшові.

З лекцйіов на тему „Карпато-дукляньска операція і єй місце в новодобій історії выступить“ ПаедДр. Осиф Родак, історік, довгорічный директор Дукляньского музея (од року 1990 Воєньского музея) у Свіднику. В проґрамі семінаря буде презентація найновшых выдань з карпаторусиністікы.

Жрідло: Інштітут русиньского языка і културы Пряшівской універзіты