Уж за 3 дни зачынат ся Панноніка!

Панноніка Фольк Фестіваль є місцьом стрічы, контакту з жывом культуром Европы і природом. Подія проходит, як што рока, в Бартицях близко Старого Санча в днях од 30. серпня/авґуста до 1. вересня/септембра 2018 р.

Є то правдивий, некомерцийний, обнимаючий вельо культурных обшыри фестіваль, котрий зберат любителів «паноньской» культуры, в тым м.ін.: балканьской, мадярской, циґаньской і карпатской. Панноніка єст культурном візитком Сандецкой Землі і за каждым разом притігат тисячы люди. То є кус веце як лем жывий, пленеровий, музычний фестіваль. Окрем выступів на сцені, атракцийом буде і великє фестівальове село. Буде шатрове поле для тых, котры захочут ночувати на місци. В шатрах та деревяных хыжах будут проходити артистичны, музычны, танцювальны варштаты. Орґанізуваны будут тіж фільмовы сеансы, стрічы з авторами і цілонічны бесіды. Атракций не буде никому бракувало!

Хто выступит в тым році на сцені Панноніка Фольк Фестіваль?

четвер, 30.08.2018 р. 
Babra (Мадяры)
Tibble Transsibiriska (Швеция)
She’Koyokh (Велика Британія)
Fanfara Transilvania (Румунія)

пятниця, 31.08.2018 р.
Šidski Trubači (Сербія)
Orkestar Danijela (Сербія)
Orkestar Bojana Krstića (Сербія)
Marko Marković Brass Band (Сербія)

субота, 1.09.2018 р.
Nadara GypsyBand (Румунія/Мадяры)
Kroke feat. Neli Andreeva (Польща+ Болгария)
BGKO Barcelona Gypsy BalKan Orchestra (Іспанія)
Divanhana (Босня і Герцеґовина)

Проґрам варштатів є доступний на страні фестівалю: www.pannonica.pl.
Вступне мож іщы купити онлайн або на місци, в фестівальовым селі. Ціны білетів як ниже:

Редакция радия ЛЕМ.фм отримала акредитацию на фестіваль і буде давати реляцию на портали і в соспільных медиях.
Видиме ся на Панноніці!