Третій раз до Дзындрановы з Ольгом Байко – 70 процент – субота, 20.00 год.

Як то было колиси з дітми? Дакус інакше, як тепер…

По перше, нихто не знал наперед, хто бы то мал ся вродити – хлопец ци дівочка.

По другє, нихто не знал, же жена бременна – аж покаль тоту таємницу было уж видно здалека.

По третє, нихто роджыня діти не реґулювал  – кілько ся вродило, тілько і было, а часто было доста вельо!

По четверте, дітиска переважні ся слухали родичів, а не ім наказували…

По пяте…

Але што оповідати? Ліпше послухайте снеска передачу.

В бесіді з Ольгом Байко з Бережан гвариме зас о рідным єй селі Дзындранова (так єй часом з «дз» на переді называли): і о дітях, і о дорослых, і тыж о тым, як колиси мыли ся, як жмыкали, як мыли горці, якє мали облечыня і обутя, як святкували Великден і Русаля… Запрашаме слухати!