Олена Шпытко: Кєд сме в купі, то нас не вломите – проґрам «Там в горах Карпатах» (2 част) – четвер, 20.10 год.

Друга стріча з Оленом Шпытко з Михалова, родом з Фльоринкы. І пані Олена, як каждий, носит в собі свою особисту історию. А хоц бы веце люди позерало і слухало єдно, то і так каждий з них запамятат дашто інче, даст притиск там, де другым ся выдало ноно нияк неважне. І лем тото, што найважнійше – ґрупова лемківска памят – буде во вшыткых Лемків єднака.

Хоц то моі реляциі нагрываны сут зо Заходу, то заєдно споминаме на Лемковину, прадідівску землю вшыткых нашых люди, де бы они не одышли, і де бы не были розметаны по шырокым світі.

Днес запрашам на девятий проґрам з циклю, котрому єм дал наголовок – Кєд сме в купі, то нас не вломите. Днес будеме споминати Фльоринку, в своім часі нашу славну столицю.

Мирко Воргач