Літературознавчыня і поетка

9. серпня 1960 рока в селі Уданин на Нижнім Шлеску вродила ся Олена Дуць-Файфер, соспільна діячка, основателька лемківской філолоґіі на Педаґоґічным Університеті в Кракові, спілорґанізаторка першых лемківскых ватр, літературознавчыня і поетка. Мешкат до днес в Устю Рускым. 

Скінчыла росийску філолоґію, психолоґію і історию мистецтва на Ягайлоньскым Університеті. Написала історию повиселеньчой лемківской літературы як маґістерску дисертацию (1985 р.), як тіж Лемківску літературу другой половины ХІХ. і початку ХХ. столітя, то є з часів формуваня ся лемківской, русиньской етнічной достоменности (1997 р.). Єст лемківскым членом Комісиі Спільной Уряду і Нацийональных і Етнічных Меншын, котрий походит з выбору вшыткых лемківскых орґанізаций в Польщы (од 2005 р.). Пише вершы, выдала дотля два томы поезиі: В молитовным блюзнірстві (1985 р.) і По обох странах думкы (2008 р.).

Лавреатка преміі Александра Духновича за русиньску літературу за 2009 рік.   

http://www.carpatho-rusynacademy.org/litduc-faifer.html