Руска Бурса при памятнику в Явожні

Днес, 28. квітня/апріля 2018 р., проходит 71. річниця початку акциі «Вісла». З той нагоды віцеведучий Стоваришыня «Руска Бурса» в Ґорлицях, Боґдан Ґамбаль, был в Явожні і при памятнику, якій споминат лемківскы жертвы явожняньского лаґру, зложыл квітя та запалил свічку.

Явожняньскій памятник был одкрытий в 2017 р. в рамках лемківскых упамятнінь 70. річниці акциі «Вісла». Видно на ним інскрипцию в трьох языках, в лемківскым, польскым і анґлицкым:

Вязненым і страдавшым
в лаґрі в Явожні
в наслідстві акциі «Вісла»
Лемкам
29 квітня 2017 рока – Потомны

Більше про явожняньскій памятник і упамятніня 70. річниці акциі «Вісла» чытайте за мотузком.