«Бурян» іде грати до Кракова

Выходячий з Лемковины, лемківско-польскій ансамбль «Бурян», 12. мая т.р. заграт концерт в єдным з краківскых театрів. В репертуарі вызвучат м.ін. лемківскы співанкы, якы од років розвеселяют фанів і любителів той ґрупы.

Концрт зачне ся о 21.00 год. Пройде в Театрі Барака (ул. Пауліньска 28). Вступне мож придбати в касі театру од понеділька до пятниці, медже 10.00 – 17.00 год., або в ден концерту, о кілько будут іщы місця. Резерацию мож зробити за майльовым адресом: rezerwacje@teatrbarakah.com, або дзвонячы на номер: 12 397 80 47.

Ансамбль был оснований в 2008 році з ініциятивы Марка Ротка. Інспірацийом ансамблю є головні лемківска народна музыка – молоды музыкы, то мешканці Низкого Бескіду, сут серед членів ансамбю тіж Лемкы. Ансамбль творит сім осіб, а на інструментарий складают ся: електрична ґітара, акустична ґітара, гармонія, флет, гушлі, джембе, перкусия. Выпустили уж три платні, выданы в 2009, 2011 ай 2015 році, на котрых почути мож ріжны пісні в іх авторскых аранжациях.

На краківскым концерті буде мож послухати предовшыткым лемківскы творы, але тіж співанкы з украіньского, польского, сербского репертуарів, а тіж – чешскы і словацкы творы, підкрисляючы славяньскій климат той ґрупы.