Слуховиско в радию лем.фм – віторок, 19.00 год.

Днес, на 19.00 год., запрашаме до радия лем.фм на слуховиско. Тым разом буде то оповіданя “Деревяна церьков” Ерікы Матоноковой з книжкы Вкраджены дзвоны – Повісті з Остурні.

Повісті з Остурні то книжка інспірувана остурняньском природом. Находиме в ней оповіданя з жытя мешканців, іх проблемы і штоденніст. Познаєме специфіку русиньского світа, спосіб думаня і взаімны одношыня.

Книжка выдана през Спілку Русинів Спиша.