Малопольща дотує забыткы з Лемковины

26. лютого/фебруара 2018 р. Сойм Малопольского Воєвідства схвалил розпоряджыня тыкаюче признаня дотаций на консерваторскы, реставраторскы і будовляны роботы при обєктах вписаных до реґістру забытків, находячых ся на обшыри малопольского воєвідства. Серед дотуваных сут забыткы з Лемковины.

Дотациі будут переданы на консервацию 120-ох обєктів. Серед них находит ся 25 з Лемковины:

• грекокатолицка церков св. Михала Архангела в Жеґєстові – ІІ етап реставрациі вежы і повалы святыні (30.000 зл), внескодавця: римокатолицка парохія в Жеґєстові;
• грекокатолицка церков св. Лукы в Зубрику – ІІ етап реставрациі повалы (30.000 зл), внескодавця: римокатолицка парохія в Жеґєстові;
• грекокатолицка церков св. Михала Архангела в Верхомли Великій – консервация бічного олтаря св. Варвары (10.000 зл), внескодавця: римокатолицка парохія в Верхомли Великій;
• консервация камінного памятника Розалиі і Константина Жыдяків на теметові в Чорным (5.000 зл), внескодавця: Стоваришыня Розвитку Шолтыства Крива;
• консервация колекциі кіриличных стародруків (7.000 зл), V етап, внескодавця: Єпархіяльний Осередок Православной Культуры «Елпіс» в Ґорлицях;
• концервация напрестольной наставы в Православній Кафедральній Церкви св. Тройці в Ґорлицях (5.000 зл);
• грекокатолицка церков св. Параскєвы в Панкній – реставрация выбраных ікон в іконостасі (15.000 зл);
• грекокатолицка церков св. Михала Архангела в Прислопі – реставрация бічного олтаря св. Миколая (15.000 зл);
• грекокатолицка церков Рождества Пресвятой Богородиці в Лоси – реставрация выбраных ікон в іконостасі (25.000 зл);
• грекокатолицка церков св. Димитрия в Бодаках – реставрация выбраных ікон в іконостасі (15.000 зл), внескодавця: римокатолицка парохія в Маластові;
• православна церков св. Лукы в Кунковій – реставрация церковных обєктів і наставы (10.000 зл);
• православна церков Рождества Пресвятой Богородиці в Розділю – консервация іконы і олтаря (10.000 зл);
• грекокатолицка церков Покровы Пресвятой Богородиці в Білянці – продолжыня консервациі іконостасу (20.000 зл);
• грекокатолицка церков св. Параскєвы в Новици – реставрация іконостасу (25.000 зл);
• грекокатолицка церков св. Параскєвы в Чырній – консервация бічного олтаря (10.000 зл), внескодавця: римокатолицка парохія в Чырній;
• грекокатолицка церков свв. Космы і Даміана в Перунці – консервация іконостасу (20.000 зл), внескодавця: римокатолицка парохія в Перунці;
• грекокатолицка церков свв. Космы і Даміана в Бересті – реставрация церковного розпису (20.000 зл), внескодавця: римокатолицка парохія в Бересті;
• грекокатолицка церков св. Михала Архангела в Дубным – реставрация церковного розпису (30.000 зл), внескодавця: римокатолицка парохія в Лелюхові;
• грекокатолицка каплиця Рождества Пресвятой Богородиці в Мохначці Нижній – цілковиты консерваторскы роботы (20.000 зл), внескодавця: римокатолицка парохія в Мохначці Нижній;
• грекокатолицка церков свв. Апостолів Петра і Павла в Креници – продолжыня консервациі образів (20.000 зл);
• православна церков свв. Космы і Даміана в Бортным – консервация хоругви (20.000 зл);
• православна церков св. Михала Архангела в Высові – консервация выбраных ікон в іконостасі (20.000 зл);
• православна церков Покровы Пресвятой Богородиці в Ганчові – консервация розпису в пресвітерным храмі (20.000 зл);
• грекокатолицка церков св. Параскєвы в Устю Рускым – продолжыня консервациі іконостасу (15.000 зл);
• грекокатолицка церков св. Димитрия в Снітници – консервация розпису на пілнічній стіні (20.000 зл).

Цілковита сума признаных грошы в рамках дотациі малопольского воєвідства на консерваторскы, реставраторскы і будовляны роботы при обєктах вписаных до реґістру забытків то 434.000 зл. При храмах, якы по 1947 році находят ся в хоснуваню римокатолицкого Костела, подаєме як внескодавців римокатолицкы парохіі. На жаль, при декотрых з внесків римокатолицкы парохіі попри тым, што корыстают з бывшых грекокатолицкых церкви, не внескували про дотациі на «бывшы грекокатолицкы церкви», а на костелы. Припоминаме, же хоц сут то храмы хоснуваны днес як латиньскы костелы, то заєндо николи не стратили они свого первістного перезначыня.

Окрем признаных дотаций опубликувано тіж список проєктів, на котры не были переданы грошы. Серед недотуваных лемківскых храмів мож вычыслити грекокатолицкы храмы в Лабові, Шляхтові і Андриівці та дві православны святыні – в Ліщынах і Бодаках.