«Говорить Пряшів» – пятниця, 20.00 год.

Кєд ідете за юлияньскым календарьом то Вам ліпше. Тоты Лемкы долше можут святкувати. Святкувати тото вшытко, што ся зачало по Різдві, а кінчыт ся аж тепер – вєдно з зачатком Великого Посту. Бавме ся, бо як мож слухати в нашій «Чырч Параді» – Лемкы сут до того досправды сотворены. 

Не мож давати вшыткых до єдного міха. Незалежно, ци хочеме добрі, ци лем замішати в народі. Мы сме справедливы, і тым, якы не лем про забаву, танці і гулянкы думают, рыхтуєме што тыжден поучытельний проґрам. Лем про ґрамотных і лем про основны річы. Днес запрашаме слухати хоцбы в Книжници.фм поезиі Миколая Коневала з Камюнкы. Родак наш, пише не лем про Русинів з Пряшівщыны, але написал тіж вершы присвячены братям Лемкам. 

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.