Получыня спортовой рекреациі з культуром

Малопольска Туристычна Орґанізация просит на Роверовий Райд Одкрый Пут, якій буде проходил 3. серпня т.р. Райд буде мал рекреацийний вид і буде получений зо звиджаньом деревяных объєктів, якы находят ся на Пути Деревяной Архітектуры в Малопольщы.

Старт і конец трасы: Санкова, костел покровы свв. Апостолів Филипа і Якова (костел вписаний на Листу Світовой Спадковины ЮНЕСКО)
Траса райду (41 км): Санкова – Рыхвалд (грекокатолицка церков Покровы Пресвятой Богородиці вписана на листу ЮНЕСКО) – Бортне (православна церков свв. Космы і Даміана) – Бодакы (грекокатолицка церков св. Димитря) – Ропиця Руска (грекокатолицка церков св. Архангела Михала) – Санкова

Участникы райду повинни зачати і вернути в годинах 10.00-16.30, по дорозі одвиджаючы пят храмів. В каждым з них буде ждала особа, яка оповіст про історию объєкту і вкаже го. По закінчыню райду передвиджены сут дрібны нагороды для каждого участника. Участ є безплатна.

Охочы до райду повинни зголосити ся через формуляр на сайті www.drewiniana.malopolska.pl і выслати го на адрес ewelinaw@mot.krakow.pl. Выполнити формуляр буде мож і перед самым райдом, але для тых, котры зголосят ся до 29. липця, на меті райду буде ждала тепла страва в годинах 15-16.

Остатнім пунктом райду є концерт в костелі в Санковій Музыка Заклята в Дереві – о 17.00 выступит Анджеля Ґабер з концертом Оповісти з Землі. Більше про тот фестіваль писали сме гев.

Більше інформаций найдете на сайті www.drewiniana.malopolska.pl