ПУЛС – «Щедрый вечур» – Святий Вечер, 19.15 год.

Щедрый вечур –

День, на котрый ся вшыткы тішать, бо дні Рождества суть тоты найкрасшы свята рока. Час покоя і любови, коли за облаками політують сніговы влочкы, всяды навколо нас уж чути пахоту щедровечірніх ідел і капустніці. Поломінок рождественной свічкы, пахота меду ці часку вытваряють магічны і незабытны хвілі. Світелка на рождественных стромиках зогрівають нашы сердця і вшыткы собі в кутику душы жычіме, жебы тоты свята тримали вічно… Ожывають стары традіціі. Рождественна мелодія ся закрадять до нашой мысли і сердця і вытварять покійну атмосферу. До той святочной погоды хочеме вступити і мы – членове хору і орхестра Піддукляньского умелецького людового субору нашым новым ЦД – Шедрый вечур і зажелати Вам, милы нашы слухачі, красні і приємно пережыти хвілі при його слуханю.

текст – Піддукляньскый Умелецькый Людовый Субор.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА