ПроРусин / Лемко, што ничого ся не боіт… – середа, 20.00 год.

Просиме на інтервю з молодым Лемком, Петром Левковичом, для котрого границі сут по тото, жебы іх перекрачати. Як бесідує, любит провірювати своі границі вытрималости і фурт пересувати іх дале і дале…

Петро лем протягом остатнього піл рока вошол на Mount Everest Station та взял участ в змаганях Лемковина Ультра Трейль 2017, вчас котрых перелетіл вздолж цілу Лемковину, значыт найдолший з можливых дистансів – ЛУТ 150 км (sic!). З бесіды з ним дознате ся, про што думат ся вчас мордерчого высилку, на котрым кільометрі має ся галюцинациі або кілько треба тренувати, жебы зробити такій дистанс. Вкаже ся, што на ногах мают місцевы і ци направду необхідным єст, жебы на вандрівку в Гімалаі брати специялистичны черевікы.

Не усідит долго на місци, бо фурт го деси носит…

Фот. Приватний архів Петра Левковича

Премєра проґраму в середу, 15. листопада/новембра, о 20.00 год., повторіня вночы з середы на четвер о 4.00 год. та в суботу, 18. листопада/новембра, о 15.00 год.