Лемківска кухарска книжка – інтервю з Едитом Вільк – понедільок, 20.00 год.

Ци мал дахто з вас в руках лемківску кухарску книжку? Певно мало хто. Можливе, же така буде напечатана і буде мож все під руком мати перепис на гомілкы, бобалькы, вар і вельо інчых. Якых?

Слухайте днес о 20.00 год. інтервю з саночанком Едитом Вільк – авторком збіркы з лемківскыма переписами. Оповіст нам про тото, чом взяла ся за зробліня выдавництва од А до Я, хоц по правді мала написати теоретичну працу на даку тему. Авторка поділит ся з нами вражынями з першых кулінарных проб з лемківском кухньом, здрадит, што ся стало з першом палетом гомілок, a і підповіст, як зробити найліпшу знимку ідла… і чом треба товды наварити мінімум зо 100 перогів.

Просиме слухати, а при нагоді зазрити на блоґ авторкы www.szkodnikowo.pl.

Премєра проґраму в понедільок, 6. листопада/новембра, о 20.00 год., повторіня вночы з понеділька на віторок о 4.00 год. та в суботу, 11. листопада/новембра, о 13.00 год.

Фот. Едита Вільк