«Говорить Пряшів» – початок новембра – пятниця, 20.00 год.

Листопад ци новембер? Не будеме розсуджати, котре менуваня ліпше. В каждым разі листя падaт, бодай уж опалo, прото листопад то не такє докінця не наше. Видно тото на Лемковині, што тота осін уж не так гарда, як іщы два тыжні тому.

Листя опало, а тото, што остало і недавно малювало красу карпатскых лісів, уж тіж змінило кольоры на барже зажмурены, такой смутны. Знаме, бо на Лемковину зазераме. Жаль, што іщы сме не повернули на все на своє, але уж неодолга…

Прикре, што західнякы не видят, або не хочут увидіти, красы нашых гір. Врастают помалы в чужыну і якоси ім добрі. Але нас тото фурт болит. І хоц самы не знаме, чом так поважні тота днешня заявка звучыт, но-ле може зато, што через тоты дни нашы цмонтері світят ночами, але найбарже не гаснут тоты нашы, тоты, про котры уж нихто не памятат, бо люди в селах неє.

Хоц «Говорить Пряшів» то богатий проґрам, на заохочыня Вам здрадиме, што днес в Книжници.фм м.ін. балады Анны Гальчаковой. Тілько і аж тілько. А досправды прекрасны!

А заран не забудте о чужыні. О Пшемкові.

Просиме слухати о 20.00 год. за маґурскым часом.

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.