Одкрытя памятника князя Лабірця [5 липця]

5. липця в часі Дни Габуры буде проходила торжественна подія – Одкрытя памятника князя Лабірця

Лаборец під конец ІХ ст.был князьом славяньского племена Білых Хорватів в обшыри медже Тисом а Дунайом. Його імено перший раз стрічаме в мадярскій кроніці Gesta Hungarorum незнаного автора. Хоц історикы до днес сперечают ся, ци Лаборец фактычні істнувал, та більшіст з них прихылят ся ґу тому, понеже подіі описаны мадярскым анонімом такой в цілости мают однесіня до археолоґічных дошліджынь. Хоц в народі памят о князю Лабірци была од все, його особу спопуляризували такы выдатны Русины ХІХ ст. як Михал Лучкай, ци Анатолий Кралицкій.