Лемківска нота [27 липця]

Концерт – інчий, як вшыткы – вызвучыт 27 липця т.р. в Єврейскым Музею Ґаліция в Кракові (год. 19.00).

Лемківскы пісні заспіват артистка, котра вкрала нам серця своім выконаньом лемківской, авторской пісні Посій же, ся посій (сл. і муз. Петро Мурянка). Лірычным, ангельскым голосом о силі огня Сусанна проведе нас звуками близкой нам музыкы, а товаришыти єй будут Даміан Трохановскій (акордеон, спів) і Мірко Дзюбина (контрабас, спів) – двоє досвідченых гудакив, якы, раз по раз, часом припадком, а часом ні, стрічают ся в єдным часі в ріжных музычных проєктах.

Як буде звучало тото тріо? Переконаме ся уж за неодолга на концерті в Кракові.

Окрем лемківскых звуків почути буде мож тіж польско-украіньскій ансамбль Словяны  в складі: Олександр Драч, Ірина Драч, Аґнєшка Плевіньска, Піотр Ґаліньскі, Собєслав Павліковскі і Марек Возъняк.