Інтервю з др Мирославом Копыстяньском – середа, 19.00 год. (нажыво)

Запрашаме на 19.00 год. на бесіду нажыво з др Мирославом Копыстяньском – новом репрезентантком лемківской етнічной меншыны в Спільній Комісиі Уряду та Нацийональных і Етнічных Меншын, покликаном 1. вересня тр. рішыньом бывшого уж премєра Польской Республикы – Дональдом Туском.

Мирослава Копыстяньска (нар. 1975 р. в Лоси), то абсольвентка політолоґіі (маґістерскы студиі на Педаґоґічным Університеті в Кракові) і доктор гуманістычных наук з обшыри політолоґіі і права (на тым же університеті), на основі докторской розправы на тему “Лемкы і Ромы в Малопольщы в роках 1989-2008. Соспільно-політычна і правна ситуация”. Єй професийний пут вюл од Уряду Ґміны в Устю Рускым, через Славяньску Ґалерию в Кракові, аж до теперішнього місця в Маршалковскым Уряді Малопольского Воєвідства, де занимат ся справами народовых меншын та медженародовом і меджекультуровом спілпрацом. Інтересує ся історийом, фотоґрафійом, туристыком, музыком і фільмом.