Нова книжка о русиньскых вояцькых співанках

В ужгородьскім Выдавництві Валерія Падяка вышла нова книжка під назвов „Плаве кача по Тисині…: Перша світова війна у карпаторусинському пісенному фольклорі“. Автором є сам выдаватель Валерій Падяк, русиньскый дослідник, робітник Інштітуту русиньского языка і културы Пряшівской універзіты в Пряшові.

У книжці „Плаве кача по Тисині…: Перша світова війна у карпаторусинському пісенному фольклорі“ aвтор занимать ся вопросом вояцькых співанок і зверать увагу на їх ідейно-тематічне богатство.

Падяк аналізує в книжці 20 вояцкых співанок, причім десять із них зновуобявив в архівах і дотеперь ся о них не писало. В книжці чітатель найде і історію днесь на Україні популарной співанкы Плаве кача по Тисині, котра так само належыть меджі богаство русиньского фолклору. Як ся пише в антоації ку новій книжці, вояцькы співанкы обще всокочають про далшы ґенерації шыроку палету скушеностей і чувств тых, котры войну пережыли як вояци. Співанкы мають своє властне зрозумліня світовой траґедії.

Книжка, котра вышла на 118-ох сторінках, є адресована вшыктым любителям історії карпатьскых Русинів.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА