«Знаний і незнаний – Енді Варголь – чловек одникаль»

Од заране, т.є. 7. вересня/септембра, в Дольным Кубині буде мож позерати на выставу присвячену корольови поп-арту – Енді Варгольови. Выстава пройде під меном Знаний і незнаний – Енді Варголь – чловек одникаль. 

На выставу, вернісаж котрой буде заран, довєдна просят Оравска Ґалерия в Дольным Кубині, Жыліньскій Самосправний Край, Музей Модерного Уменя Енді Варголя в Меджелабірцях, Сполочност Енді Варголя в Меджелабірцях та Пряшівскій Самосправний Край. Єдным з кураторів выставы буде основатель Музею Модерного Уменя Енді Варголя в Меджелабірцях, куратор того же музею, музейоедуколоґ та найперше єден з активістів при Русиньскій Оброді на Словациі – Русин Михал Бицько. 

Выстава буде одкрыта до 19. листопада/новембра т.р.