Єден ден в Кривій

Уж в найблизшу неділю, 27. серпня/авґуста т.р., в селі Крива пройде дальша, рік-річна подія «Ден в Кривій», яка є орґанізувана Стоваришыньом Розвитку Шолтыства в Кривій. Подібні як попередньо, орґанізаторы не забыли і про лемківскы акценты. Крива – днес село бодай чысто заселене польскыма осадниками, хоц на хвилю дякы деякым ініциятивам буде припоминала про лемківскіст і колишніх жытелів. 

Подія не буде проходила істо в Кривій, бо в поблизкій Баници. І хоц Баниці на нынішніх картах Лемковины як села неє, то находит ся в ній м.ін. єдна колиба-аґротуристика «Гостинец Баниця», яка днес адміністрацийні приналежыт до Кривой. В 80. роках ХХ ст. в Баници стояла іщы православна часовня. Днес остала лем по ній знищена баня, яка постійно гниє в траві. 

В рамках тогорічной едициі подіі заплянувано проєкцию вакацийных фільмів, вшелеякы варштаты, выставы, забавы про наймолодшых, ватру та концерт і забаву з музычном ґрупом. Єдным з лемківксых акцентів буде можніст стрітити ся з Ваньом Дзюбином з Ґладышова, опікуном Дзюбинівкы – Лемківской Едукацийной Загороды. Вчас варштатів Ваньо Дзюбина вкаже як зробити чачко, пукавку, звізду ци трубу. Тото вшытко (і не лем) на луці в Баници. Початок о 15.00 год.