Ґорлиці святкуют разом з Кычером

Тогорічны Дни Ґорлиц 2014 (Польща) будут проходити в днях 28-29. мая, а головном атракцийом першого дня будут імпрезы повязаны з XVII Медженародовым Фолкльористычным Фестівальом Світ під Кычером. На год. 16.15 заплянувано перехід головным дептаком міста (ул. 3-го Мая), а на год. 17.00  ґальовий концерт вшыткых участників фестівалю (ансамблі з Росиі, Чех, Костарикы, Сербіі, Словациі, Тайвану, Турциі і Польщы).

Проґрам тогорічных Дни Ґорлиц окрем фолкльору обнимат іщы м.ін выставы малярства і фотоґрафіі Анны і Павля Лямпе, інтерактывну експозицию Колишні компутеры і гры, выдовиско роверовых акробаций, выступ молодежы з Калуша (Украіна) і Ґорлиц, яка бере участ в проґрамі Польско-Украіньской Выміны Молодежы Так вельо нас лучыт… ци роковы концерти, выступит ансамбль Роб Тоґноні з Австралиі, а головном звіздом неділі буде концерт Мацєя Маленьчука з ансамбльом Сайкоденсінґ.

Проґрам ХVІІ Медженародового Фолкльористычного Фестівалю Світ під Кычером є наступуючый (перша част – Лемковина):

27 червця (патниця)

20.00 – Артистычны варштаты в Креници

28 червця (субота)

16.15 – перехід і уличны анімациі в Ґорлицях
17.00 – Лемкы і іх гості для Ґорлиц – ґальовий концерт в Ґорлицях
19.30 – концерт в Бортным
20.00 – концерт в Ґладышові

29 червця (неділя)

14.45 – зложыня квітя під помником Епіфана Дровняка – Никыфора в Креници
15.00 – перехід і уличны анімациі в Креници
15.30 – Ґальовий концерт в Креници

30 червця (понедільок)

10.00 – анімациі в Парку ім. Романа Нітрібітта в Креници
15.30 – Кычера і єй гості для Крениці – фіналовий концерт в Креници

Радийо ЛЕМ.фм має медияльний патронат над фестівальом.