Лемкы самы о собі

Лемкы самы о собі: Выселіня II світовой вoйны – такій наголовок має прелекция, яку выголосит Коріна Венґрин Коділь (Пітсбурскій Університет) 25 червця о 18.30 годині (за східноамериканьскым часом) в Пітсбурґу (ЗША).

Мультімедияльна презентация є ефектом парулітнього проєкту Коріны Венґрин Коділь і Річарда Ґарберы Трояновского, якы провели вельо бесід з Лемками жыючыма в Пілнічній Америці, Украіні і в Польщы, котры прожилы переселіня на Радяньску Украіну і на західні землі Польщы в рамках Акциі Вісла. Вказаны останут фраґменты награных бесід, зреферуваны мотивациі і тактыкы, якы хоснувал польскій уряд до переселіня і розпорошыня выселенців. Коріна Венґрин оповіст тіж о досвідчынях Лемків перед, в тракті і по выселінях і о тым, якє влияня на люди мало выселіня. По презентациі передвиджує ся час на дискусию.

Більше найдете на стороні: lemkoproject.blogspot.com