Маґурич на Лемковині

Стоваришыня Маґурич, якє од більше як двадцетьох років занимат ся охороном перед загыбаньом розмаітых елементів сепульклярной штукы (цмонтері, придорожны кресты, каплиці та інчы) рушат з новым сезоном. Своі ремонтово-консеваторскы роботы зачынат того рока од Лемковины.

В днях од 15. до 18. червця/юнія хоче поставити, направити і привернути блеск трьом лемківскым придорожным крестам в Бліхнарці. Жебы тото могло ся сполнити, конечны сут рукы до роботы, зато вшыткы охочы підняти ся вольонтерной роботы, і тоты, кому лежыт на серци лемківска спадковина, прошены сут долучыти ся ґу тій акциі. Орґанізатор забезпечат выжывліня, спаня та ціле, потрібне до ремонту, ґратя. Конечне єст лем мати дакус охоты до роботы.

Завдякы Маґуричови сохраненых перед знищыньом, а через тото заникніньом, были десяткы лемківскых цмонтерів і соткы крестів та нагробків, котры наступны рокы можут свідчыти о жыючій в даных місцях лемківскій спільноті. Обшыр діянь Маґурича то не лем Лемковина, а ціла полудньово-східня Польща, аж і Украіна і інчы державы. Ремонтуваны сут цмонтері і нагробкы без огляду на конфесию похороненых гын осіб.

Дрібниці про подію найдете на ґамбонижці.