«Говорить Пряшів» – пятниця, 20.00 год.

В червци/юнію тяжко о такій час, жебы было нам студено, а принаймі так, штобы сме фурт мерзли. Вкінци літо уж близко, сонце гріє, а ґаздове лем смотрят, ци ся коровы добрі пасут і же уж помаленькы треба сіно косити. Тота хвиля є самособом добра для редакторів русиньскых медий. Певно неєден думат, што ліпше ся пише ци монтує в зимі, бо долгы вечеры, але ніт. Досправды ніт! Ліпше ся нам робит на яр, а істо в літі, лем зато, што можеме частійше іти в терен (коли лем шефредактор дозволят), а товды ся з нашыма Русинами стрічати і бесідувати. Про лемківску редакцию цінне є тото, што може ходити за своіма камаратями поза границі Лемковины. Но і тото наоборот тіж фунґує. В послідній вікенд на нашу Лемківску Русь пришли братя Русины з Пряшівщыны. А вшытко лем, або аж зато, жебы сме ся могли ліпше вышколити про Вас, про слухачів русиньскых медий. Было школіня якых мало, была і інтеґрация. Лем жаль, што так коротко. Але спілпраца уж є. Самы видите.

Овочом добрых заходів з нашыма камаратями з Русин.фм є поучытельний, про ґрамотных проґрам «Говорить Пряшів». Буде Культурний калейдоскоп, Історичний Календар, Бібліотека Русин фм та Нашы целебриты. В тым остатнім почуєме про Владиміра Чока – учытеля на высокій технічній школі, якій был специялистом в просторі роботикы.

До стрічы!

Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.