Умер Мілан Сидор

Днесь по куртій і тажкій хвороті умер в Пряшові Мілан Сидор, бывшый презідентьскый кандідат за Комуністічну партію Словакії, член Округлого стола Русинів Словеньска.

Др. Мілан Сидор, к.н. ся народив 22. фебруара 1951 в русиньскім селі Крушінець. До 1990 року быв высокошлолскым педаґоґом на Універзіті Павла Йозефа Шафарика. Пізніше ся присвячав пріватній освітній діяльности. Лекторьскы діяв в областях крізового манажменту, черезгранічной співпраці, історії, проґностікы і політолоґії. Быв членом Міджінародного славяньского выбору в Празі а быв і його крайскым председом в Пряшові.Быв і довгорічным членом Центральной рады Словацького союзу протифашістічных бойовників і його крайскым председом. За презідента з підпоров КПС кандідовав в році 2009.

Вічная память!