Продають Варгола за рекордну суму?

Пресова аґентура Словацькой републікы (Tlačová agentúra Slovenskej republiky – TASR) інформовала о тім, же Нюйорска філіалка дражобного дому Christie’s буде 12. новембра 2014 р. орґанізовати дражбу вызначных творів Анді Варгола, на котрых є Елвіс Преслі і Марлoн Брандо.

Першы оцінкы говорять о сумі коло 140 міліонів доларів за образ. Фахівці суть мінімално согласны в тім, же каждый тот твор од Варгола, Triple Elvis (1963) і Four Marlons (1966), може ся продати за мінімално 100 міліонів доларів.

Дотеперь найдорогшым выдраженым Варголовым  твором є Silver Car Crash (1963), котрый влони в новембрі продав авкчный дім Sotheby’s за 104, 5 міліонів америцькых доларів.

Образы, котры ся будуть теперь продавати суть во властництві німецькой сполочности WestSpiel, котра ся старать о шість касін. Творы были до кінця 70-тых років минулого столітя якраз у філіалці фірмы в Аахені, інформовала TASR.