Округлий Стіл Русинів Словациі

Днес 24 мая 2014 р.во Свиднику розпочал засіданя Округлий Стіл Русинів Словациі, котрий є дискусийным форум ріжных русиньскых соспільных організаций, русиньскых державных інституций культуры, представителів церкви і окремых осіб. Вшыткы охочы можут прити на стрічы і заберати голос на рівных правах.

ОСРС не є ани реєструваном організацийом лем плятформом де робит ся над вырішыньом конкретных проектів і штатных законів, котры сут передставляны перед урядами як спілне і спійне становиско вшыткых русиньскых організаций. 

В свидницкій стрічы ОСРС берут днес участ п.о. полномічник словацкого ряду про національны меншыны Марія Єдличкова і рядітель Словацкого Народового Музею (которго одділом є Русиньскі Музей в Пряшові) ґенеральний директор Віктор Ясань. Дале предсідателе Русиньской Оброды на Словациі Милян Мнягоньчак і з русиньскых інштитуций культуры директорка Ольга Ґлосікова з Русиньского Музею, Маріан Марко ведучый Театру Александра Духновича і Владимир Марушін директор ансамблю ПУЛЬС.

Посіджыня ОСРС розпочало одспіваня русиньского гымну. Дале ведучый пан Андрій Ліґа привитал вшыткых присутных і запропонувал порядок роковань і выголосил вступне слово. Дале голос взяли  полномічник Маріа Єдличкова, а дале ведучий СНМ Віктор Ясань, котры гварили про то як они видят головны проблемы Русинів на Словациі.

Долше выступліня предсідатель Милян Мнягоньчак, котрий передставил гідні веце проблемів як тоты, про котры гварили першы выступлюючы. Як основны до ришыня дал проблем русиньского шкільництва і фальсифікацийной діяльности украіньского музею во Свиднику. Украіньскій Музей продолжат крайні ідеольогічну, фальшуючу діяльніст. Музейны експонаты позвбераны з русиньскых сел презентуваны сут як доказы украіньской культуры, што єст лем поводувнае веджыньом ідеольоґічной діяльности, котра не повинна мати місця як робота штатной інституциі фінансуваной з публичных грошы. 

Дал ся почути голос ведучого Пульсу, котрий ствердил же сама назва музею то не основний проблем Русинів на Словациі. Не были з таком опініом інчы дискутанте. Псевдонаукова, зідеольоґізувана діяльніст рядітельства музею є оціняна неґатывні. 

Професорка Олга Ґлосікова повіла, же проблем недостаточной інформациі і назов артефактів тичыт не лем того єдного музею, але тіж музею Словацкого Народового Повстаня з Баньской Бистриці, котрого оділом є Свидницкій Воєньскій Музей. 

По перерві ОСРС занял ся проєктом про покликуваня меншыновых самоурядів. Такы руснацкы самоуряды фунґуют на Мадярах ів Сербіі. Долшу дискусию викликали альґоритмы, котрыма кєрує ся комісия, котра приділят ґранты на підпору окремых діянь.