На Світлий Тыжден – «Говорить Пряшів» – середа, 20.00 год.

Накормили ся духово і накормили ся фізычні. Так певно выглядали тогорічны великодні свята в каждій русиньскій родині. Такой як што рік, такой од вік віка. І тото од вік віка бы было добрі, жебы сме памятали, бо треба нам наш обычай заховати, плекати і памятати. Тото, же в каждій русиньскій родині так было, то певно і за справом того, же нам ся свята довєдна зышли, так тоты празднуваны за юлияньскым, як і григоряньскым календарями. Лем на жаль студено. Для тых з чужыны то уж доцяп климат як на Різдво, бо як раз температура така сама як в зимі. Ріжниці не видят тіж братя і сестры з Лемковины ци другых русиньскых земель, бо гын той ночы могло впасти аж по 30 цм снігу. А бесідуют мудры того світа, же ся климат отеплил.

Хоц, днешня середа, то такой середа Світлого Тыжня, уж робиме. Робит тіж пряшівска редакция Русин.фм, рыхтуючы нову премєру заєдно про два радия. В нас традицийно днес штоси нове. Донесли нам по раз перший з Пряшова, же будеме годны почути в Нашых целебритах про інж. Михала Коста з Ладоміровой – журналисту і опікуна деревяных церкви. Донесли по раз другій, же в Перличці почуєме про фану Русинів добы приналежности Підкарпатской Руси до Мадяр реґента Готрийого. І донесли вкінци по раз третій, же Теодозия Латтова оповіст вшыткым нам, вірным слухачам, про нашы великодні звыкы.

Зо святочным воздухом – красні просиме.

За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.