Концерт ансамблю „Дуляровы Братя”

Лемківско-польскій ансамбль Дуляровы Братя просит на концерт, якій одбуде ся 23. мая (пятниця) того рока о 20. годині в Пивници Карвацияна (Piwnica Karwacjana) в Ґорлицях.

Дуляровы Братя грают од 2006 рока, інспіруют ся лемківском музыком, але грают єй так, як іщы нихто ся не одважыл – лемківскій фольклор облікают в енерґетычны попово-роковы звукы з міцныма елементами діско і фанк. Грают тіж авторскы лемківскы кавальчыкы. Пісню о здеґустуваным споляченыма західняками Василю подібно заборонили ім уж грати на Заході… Але фурт можете єй почути в радию ЛЕМ.FM.