На початок квітня – «Говорить Пряшів» – середа, 20.00 год.

Квітен/апріль за скоро пришол. Не годны сме робити вшытко на час. То не лем старунок нашой редакциі. Вшыткы борют ся зо своім штоденным жытьом. В нас буде нове жытя, і то уж неодолга. Діждийте вєдно з нами, а зрыхтуєме Вам нову рамівку і хоц-што нове, повязане з нашом лемківском редакцийом ЛЕМ.фм+. Нове жытя то очывидно Великден, котрий уж о нецілы два тыжні. Значыт о два тыжні і мы зачнеме барже скочні і весело Вам грати. А Ваш облюблений чырчаньскій проґрам то уж доцяп ошаліє.

З тым новым жытьом нич нове точно не однесе ся до нашого пряшівского проґраму. Буде він дальше в нашій рамівці, адже на поучытельных проґрамах стоіт наше радийо. Новий може быти лем ден премєры, але про тото іщы Вас повідомиме. Бо же што тыжден лем новы інформациі в «Говорить Пряшів» – то постійным, вірным случам – не треба припоминати.

Сам проґрам ся не мінят. Традицийо – в змісті одтинка найдете Культурний калейдоскоп, Нашы целебриты, Історичний Календар, Перличку та Книжницю Русин фм. В тій послідній части днес выслухаме стихів Данієлі Капральовой. Перличка нам припомне про храмовий праздник в Великым Барові, што проходил як раз в 1944 році.

Щыро і красні просиме.

За рамівком Русин.фм чытаме: Приносиме актуалны інформації з русиньского середовиска і нелем з нього. З нашыма справами будете все актуално інформованы о найважнішых подіях і з Културным калеідоскопом вам не втече жадна културно-сполоченьска акція у вашім реґіоні.