«Слово» – Четверта неділя посту – неділя, 9.00 год.

Благодатный час Сватой штиридсятніці ся перехылив до свойой половины. В тім тыждню окрім выложіня Святого креста сьме мали і память сватых 40-ох мучеників севастійскых. Они были вояками, служыли добрі земному царьови, але іщі вірніше Небесному. Но їх віра мала быти скоро выпробована. Кідь ся мали рішати, ці жертвовати поганьскым ідолам а потримати собі чести земных царів, або стратити вшытко про Хріста і здобыти небесны вінці, они выберають смерть. Были одсуджены перебыти на замерзнутім озері цілу ніч. Они з радостьов ідуть на тото мучіня, і молять ся, співають. Но предці подарило ся діäволу єдного з них заколысати у вірі, видячі на березі выпары з огріваной там воды і тых, што привабльовали святых мучеників, жебы пришли ся зогріти. Він опущать полк святых і втікать ку земному полегшіню, но лем што вступив до горячой воды, утратив земный жывот і вєдно і вічный. Но Бог не опустив своїв выбраных, єден із вояків видячі у прозріню вінці над головами святых, зошмарив зо себе облечіня і приєднавать ся ку ним доповнючі чісло 40. Тоты святы нас учать і в тім постнім часі, же є потрібне нелем добрі зачати, але вытримати до кінця, бо хто вытримать до кінця, тот буде спасеный. Слава Ісусу Хрісту!

В неділю, 26. марця 2017 р., о 9.00 год. проґрам «Слово», котрый реалізує єромонах Маркіян ЧСВВ. Повторіня 26-го марца о 12.00, 15.00, 20.00 год. і 27 марца о 2.00 год. за русиньскым часом.

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

Фото: Йоан Лествичник. Жрідло: Wikipedia.